【有個閨密叫祖藍】王祖藍遇上閨蜜容祖兒　小學老師同窗神秘現身爆往事

親子

發布時間： 2022/08/18 17:44

熱門林明禎超市大搜查破·地獄名校專區糖尿病靚媽精明眼藥物百科聖誕好去處北上攻略會員有獎

▲ 王祖藍同容祖兒是小學同班同學，兩人相識超過30年。

王祖藍和容祖兒，除了是圈中好友，其實「祖」已認識，兩人是基督教香港信義會馬鞍山信義學校的同班同學外，更同是校內歌詠團的成員。

最新影片推介：

最近祖藍為無綫主持新節目《有個閨密叫祖藍》，將於本周日（21日）晚十點半，播出第四集，嘉賓便是同學容祖兒。今次節目還原「課室」讓「孖祖」重拾「小學時的那些年」，兩人先後要通過多項「快速考試」，包括「美術」、「音樂」及「體育」題等，考驗體力之餘仲考埋轉數同口才，真係聽見都攰。最終輸家需接受由「東南西北」決定出來的大懲罰。

▲ 「孖祖」又笑又喊真係好感動嘅場面。

祖兒嘆愈大愈似男人

除了密集式的課堂，當然還有小息時間，「孖祖」一邊開心吃著製作組預備的零食點心、一邊剝遍那些年的花生。祖藍坦言小學時好「乞人憎」，並大爆祖兒很受男同學歡迎，指曾有男同學請教他追求祖兒之道，祖藍說：「我斜對面都有同學鍾意你㗎，啲男仔都係鍾意成熟同有女人味嘅女仔。」祖兒聞言感嘆表示，人大了反而沒有人追，自覺愈大愈似一個男人，

反而大個咗冇乜呢啲嘢（有人追），其實好想搵番細個斯斯文文嘅感覺，我覺得我愈大愈似一個男人，忽略咗做女仔嘅溫柔。

▲ 祖兒表情包大放送。

問到兩人有否曾經「鍾意過對方」，祖兒即時嚇至噴飯狀，但又貪過癮追問祖藍曾否「動情」，慘遭考起的祖藍停頓三秒後自嘲打圓場說：「唔夠膽諗，高過我點夠膽諗。」祖兒聞言九秒九抵死反駁：「但大部分人都高過你喎。」

▲ 當製作組問到佢哋有冇鍾意過對方嘅時候……

互爆對方戀愛史

製作組還事先準備了兩人六年班的班相，「孖祖」一見到即八卦地跟循照片追尋昔日回憶，除了對自己小時候的「尊容」感不滿，眼利的「孖祖」還鬥快尋獲彼此初戀對象，更忍不住興奮大爆「對象」的中文全名，嚇得祖兒急忙阻止：「喂！唔好講人全名啦！」之後興起的祖藍再如數家珍般大爆認知中祖兒的「曖昩名單」，當中竟然聽到「李克勤」三個字，兩人更不約而同爆笑，到底「咩葫蘆賣咩藥」？

▲ 製作組竟然摷到佢哋六年班嘅班相。